aaj jaane kaisa aabhaas hua
na koi door na hi koi paas hua
na koi yahan mujhe ekant mila
phir bhi har ore sab shant mila
to aaj apne bhaavo ki sarita likhne baitha hu
na kuch aur bas main ek kavita likhne baitha hu
hriday me jaane ye kaisa shor hai
kahin andhera aur kahin bhor hai
kyon sirf apne paraye ka gyan hai
ho raha bas har reet ka apmaan hai
to aaj kuch ramayan kuch geeta likhne baitha hu
na kuch aur bas main ek kavita likhne baitha hu
ye sansaar bhi bada vichitra hai
ki phool par bhi daal raha itra hai
kahan har koi yahan us paar jata hai
kabhi koi jeete kabhi koi haar jata hai
to thoda apna jeevan thodi chita likhne baitha hu
na kuch aur bas main ek kavita likhne baitha hu
ksis ka hriday ghrina se dhal raha
aur koi yahan pe prem me jal raha
ksis ko lag raha ye jeevan gart hai
man me jami shayad dhool ki part hai
to kuch jeevan kuch jag ki suchita likhne baitha hu
na kuch aur bas main ek kavita likhne baitha hu
